കേന്ദ്ര അവ​ഗണനയ്ക്കെതിരെ ‍ഡൽഹിയിൽ എൽഡിഎഫിന്റെ നേത്വത്തിൽ രാപ്പകൽ സമരം

ഡൽഹി: മുണ്ടക്കൈ ചൂരൽമല ​ദുരിതബാധിതരോടുള്ള കേന്ദ്ര അവ​ഗണനയ്ക്കെതിരെയുള്ള രാപ്പകൽ സമരത്തിന് തുടക്കം. സിപിഐഎം വയനാട് ജില്ലാക്കമ്മിറ്റിയുടെ നേതൃത്വത്തിലാണ് സമരം നടത്തുന്നത്. കേരള ഹൗസിൽ ആരംഭിച്ച പ്രതിഷേധ സമരം അഖിലേന്ത്യാ കിസാൻ സഭ ജനറൽ സെക്രട്ടറി വിജു കൃഷ്ണൻ ഉ​ദ്ഘാടനം ചെയ്തു. കേന്ദ്ര അവ​ഗണന തുടർന്നാൽ സമരം ശക്തമാക്കുമെന്ന് നേതാക്കൾ വ്യക്തമാക്കി.

വിഷയത്തിൽ രാഹുൽ ​ഗാന്ധിയും പ്രിയങ്കാ ​ഗാന്ധിയും മൗനം വെടിയണമെന്ന് വിജുകൃഷ്ണൻ പറഞ്ഞു. അതേസമയം സമരത്തിന് പിന്തുണയുമായി ആം ആ​ദ്മി പാർട്ടി എംപി സഞ്ജയ് സിം​ഗ് രം​ഗത്തെത്തിയിരുന്നു. വയനാട്ടിലെ ജനങ്ങൾ ഒറ്റയ്ക്കല്ലെന്ന് സഞ്ജയ് സിം​ഗ് പറഞ്ഞു.