മഹാകുംഭമേളയ്ക്ക് തുടക്കം ; ആദ്യദിനം സ്നാനം നടത്തിയത് 1.5 കോടി പേര്

പ്രയാഗ് രാജ്
മഹാകുംഭമേളയ്ക്ക് യുപി പ്രയാഗ് രാജില് പൗഷ് പൂര്ണിമദിനത്തിലെ സ്നാനത്തോടെ തുടക്കം. തിങ്കളാഴ്ച ഒന്നരകോടിയിലേറെ പേര് ത്രിവേണി സംഗമത്തില് സ്നാനം നടത്തി. ആപ്പിള് സഹസ്ഥാപകന് സ്റ്റീവ് ജോബ്സിന്റെ ഭാര്യ ലോറീന് പവല് ജോബ്സ് അടക്കം ലോകത്തിലെ വിവിധ ഭാഗങ്ങളിൽ നിന്ന് വിശ്വാസികളെത്തി. ഫെബ്രുവരി 26വരെ നടക്കുന്ന മഹാകുംഭമേളയില് നാൽപ്പതുകോടിയിലേറെ പേര് എത്തുമെന്ന് കരുതുന്നു.
മഹാകുഭമേള ഉത്തര്പ്രദേശ് സര്ക്കാരിന് ഏകദേശം രണ്ടുലക്ഷം കോടി രൂപയുടെ വരുമാനം നേടിക്കൊടുക്കുമെന്നാണ് വിലയിരുത്തല്.
Related News

0 comments