രഹസ്യമായി മറ്റൊരു സ്ത്രീയെ കല്യാണം കഴിക്കാൻ ശ്രമം; പൊലീസുകാരനെ കൈയ്യോടെ പൊക്കി ആദ്യഭാര്യ

ആൽവാർ: ആദ്യ വിവാഹബന്ധം നിയമപരമായി വേർപെടുത്താതെ തന്നെ മറ്റൊരു സ്ത്രീയെ രഹസ്യമായി വിവാഹം കഴിക്കാൻ ശ്രമിച്ച പൊലീസുകാരനെ തടഞ്ഞ് ആദ്യ ഭാര്യ. രാജസ്ഥാനിലെ ആൽവാറിൽ ഒരു ഹോട്ടലിൽ വെള്ളിയാഴ്ചയാണ് സംഭവം.

പൊലീസ് കോൺസ്റ്റബിളായ ജയ് കിഷൻ, കുടുംബാംഗങ്ങളിൽ ചിലരുടെ സാന്നിധ്യത്തിൽ രഹസ്യമായി വിവാഹം കഴിക്കാൻ ശ്രമിക്കുകയായിരുന്നു. എന്നാൽ, വിവരമറിഞ്ഞ ആദ്യ ഭാര്യയായ റീനയും അവരുടെ വീട്ടുകാരും ഹോട്ടലിൽ എത്തുകയും പൊലീസുകാരനെ കൈയോടെ പിടികൂടുകയുമായിരുന്നു.

2011-ലാണ് ജയ് കിഷൻ റീനയെ വിവാഹം ചെയ്തത്. എന്നാൽ ആറ് വർഷത്തെ ദാമ്പത്യ ജീവിതത്തിന് ശേഷം ജയ് കിഷനെ മറ്റൊരു സ്ത്രീയുമായി ബന്ധമുള്ള നിലയിൽ പിടികൂടി. ഇതിനെത്തുടർന്ന് റീന സ്വന്തം വീട്ടിലേക്ക് താമസം മാറ്റിയിരുന്നു. റീനയുടെ സഹോദരൻ ഭൂപേന്ദ്ര സിംഗ് പറഞ്ഞു.

സംഭവസ്ഥലത്ത് ഉടൻ തന്നെ പ്രാദേശിക പൊലീസ് സ്റ്റേഷനിൽ നിന്നുള്ള സംഘം എത്തുകയും വിവാഹ ചടങ്ങുകൾ നിർത്തിവെപ്പിക്കുകയും ചെയ്തു.