‘ദിവ്യഗർഭം ധരിപ്പിക്കാ’മെന്നു പറഞ്ഞ് യുവതിക്ക് പീഡനം; യൂട്യൂബർ അറസ്റ്റിൽ

തിരുവനന്തപുരം: ‘ദിവ്യഗർഭം ധരിപ്പിക്കാ’മെന്നു പറഞ്ഞ് പീഡനമെന്ന് പരാതി. കേസിൽ 'ആത്മീയ യൂട്യൂബർ' അറസ്റ്റിൽ. മലപ്പുറം കാളികാവ് സ്വദേശി സജിൻ ഷറഫുദ്ദീനാണ് അറസ്റ്റിലായത്. ഇയാളെ തിരുവനന്തപുരത്ത് നിന്നാണ് പൊലീസ് പിടികൂടിയത്.

താമസിക്കുന്ന ക്വാർട്ടേഴ്സിലേക്ക് അതിക്രമിച്ച് കടന്ന് പ്രതി തന്നെ ബലാത്സം​ഗം ചെയ്തതായാണ് പെൺകുട്ടിയുടെ പരാതി. ആത്മീയ യൂട്യൂബ് ചാനൽ വഴിയാണ് പെൺകുട്ടി സജിനെ പരിചയപ്പെടുന്നത്. തനിക്ക് മന്ത്രവാദം വശമുണ്ടെന്ന് പറഞ്ഞുവിശ്വസിപ്പിച്ച് ഇയാൾ പെൺകുട്ടിയെ സമീപിക്കുകയായിരുന്നു.

കഴിഞ്ഞ ദിവസമാണ് കുളത്തൂർ സ്വദേശി പൊലീസിൽ പരാതി നൽകുന്നത്. പ്രതിക്കെതിരെ സമാന കേസുകളുള്ളതായി പൊലീസ് വ്യക്തമാക്കി. നിരവധി പേർ പരാതിപ്പെട്ടിട്ടുള്ളതായാണ് വിവരം.