ആശുപത്രിക്കാര്യം ആഗോള പ്രശ്നമാക്കി: ഒടുവിൽ വാലുംചുരുട്ടി മാധ്യമങ്ങൾ

തിരുവനന്തപുരം : തിരുവനന്തപുരം മെഡിക്കൽ കോളേജ്​ ആശുപത്രിയിൽ നിന്ന്​ കിട്ടിയ തുരുമ്പിൽ പിടിച്ച്​ ആരോഗ്യ വകുപ്പിനേയും സർക്കാരിനേയും അപഹസിക്കാനുള്ള മാധ്യമനീക്കം പാളി. മെഡിക്കൽ കോളേജ്​ ആശുപത്രിയിലെ ​ ഉദ്യോഗസ്ഥ തലത്തിലുണ്ടായ ചില വീഴ്​ച ചൂണ്ടിക്കാണിച്ച​ ഡോ. ഹാരിസ്​ ചിറയ്ക്കലിനെ മറയാക്കി വിവദം കത്തിക്കലായിരുന്നു മാധ്യമങ്ങളുടെ പദ്ധതി. ഡോക്ടർമാരെയടക്കം ഇതിനായി തെറ്റിദ്ധരിപ്പിച്ച്‌ കഥ മെനഞ്ഞു​. ഡോ. ഹാരിസ്​ പ്രശ്നങ്ങൾ ചൂണ്ടിക്കാണിച്ചതിന്റെ പേരിൽ ഒരു പ്രതികാര നടപടിയും ഉണ്ടാകില്ലെന്ന് സർക്കാർ പ്രഖ്യാപിച്ചിട്ടും അത്‌ തുടർന്നു. ഡോക്ടറെ സർക്കാർ വേട്ടയാടുന്നുവെന്ന​ പുകമറയുണ്ടാക്കി പ്രതിപക്ഷത്തെ സഹായിക്കാനായിരുന്നു മാധ്യമശ്രമം​. ഇത്‌ പൊളിഞ്ഞതോടെ എല്ലാരും മലക്കം മറിഞ്ഞു.

ഉപകരണ ലഭ്യതയ്ക്ക്​ ഉദ്യോഗസ്ഥ തലത്തിലുള്ള കാലതാമസം ഒിവാക്കൽ മാത്രമാണ്‌ ലക്ഷ്യമെന്നും സർക്കാരിനോ ആരോഗ്യ മന്ത്രിക്കോ ഒരു തരത്തിലും താൻ എതിരല്ലെന്നും ശനിയാഴ്​ചയും ഡോ. ഹാരിസ്​ മാധ്യമങ്ങളോട്​ ആവർത്തിച്ചു. പ്രിൻസിപ്പാളിനടക്കം ആർക്കും തന്റെ മുറിയിൽ കയറാം. ഉണ്ടായിരുന്ന പ്രശ്നം പരിഹരിച്ചു. മന്ത്രിയും സർക്കാരും അനുഭാവപൂർവമാണ്‌​ പ്രവർത്തിച്ചത്​. ദിവസവും വന്ന്​ പ്രതികരണം വാങ്ങുന്നതിൽ നിന്ന്​ ഒഴിവാക്കണം, സംഘടന പ്രതികരിക്കുമെന്നുകൂടി അദ്ദേഹത്തിന്​ പറയേണ്ടി വന്നു.

ഒരു ഡിപ്പാർട്ടുമെന്റിൽ ഒതുങ്ങുന്ന വിഷയത്തെ ‘ ആഗോള പ്രശ്നം’ ആക്കിയ മാധ്യമങ്ങളുടെ പരിതാപകരമായ അവസ്ഥ കൂടിയാണ്​ ഏതാനും ദിവസങ്ങളായി തിരുവനന്തപുരം മെഡിക്കൽ കോളേജ്​ ആശുപത്രിയിൽ കണ്ടത്​.