അയൺ ​ഗുളിക അമിതമായി കഴിച്ച് വിദ്യാർഥികൾ; ആശുപത്രിയിൽ പ്രവേശിപ്പിച്ചു

ശാസ്താംകോട്ട: സ്കൂളിൽ വിതരണം ചെയ്ത അയൺ ​ഗുളിക അമിതമായി കഴിച്ച വിദ്യാർഥികൾക്ക് ​​ദേഹാസ്വസ്ഥ്യം. കൊല്ലം മൈനാ​ഗപ്പള്ളിയിലെ സ്വകാര്യ സ്കൂളിലാണ് സംഭവം. എട്ടാം ക്ലാസ് വിദ്യാർഥികളായ ആറ് പേരെ ആശുപത്രിയിൽ പ്രവേശിപ്പിച്ചു. വിദ്യാർഥികളുടെ ആരോ​ഗ്യനില തൃപ്തികരമാണ്.

വീട്ടിൽകൊണ്ടുപോയി കഴിക്കണമെന്ന നിർദേശത്തോടെയാണ് ​ഗുളിക വിതരണം ചെയ്തത്. ​ഗുളികയ്ക്ക് മധുരം ഉള്ളതുകൊണ്ട് ചില വിദ്യാർഥികൾ കൂടുതൽ ​ഗുളിക മറ്റുള്ളവരിൽനിന്നും വാങ്ങി കഴിക്കുകയായിരുന്നുവെന്നാണ് വിവരം. 30 ​ഗുളികകൾ വരെ കഴിച്ച വിദ്യാർഥികളുണ്ട്. നാല് പേരെ ഭരണിക്കാവിലെ സ്വകാര്യ ആശുപത്രിയിലും രണ്ട് പേരെ കൊല്ലം ജില്ലാ ആശുപത്രിയിലുമാണ് പ്രവേശിപ്പിച്ചത്.