കോഴിക്കോട് വിദ്യാർഥി ട്രെയിൻ തട്ടി മരിച്ചു

കോഴിക്കോട്: വിദ്യാർഥി ട്രെയിൻ തട്ടി മരിച്ചു. കോഴിക്കോട് പേരാമ്പ്രയിലെ ബാബുരാജിന്‍റെ അമൽരാജാണ് (21) മരിച്ചത്. വടകരയ്ക്കടുത്ത് മുക്കാളി റെയിൽവേ ​ഗേറ്റിനുസമീപമാണ് അപകടം.

പുലർച്ചെ രണ്ട് മണിയോടെയാണ് അപകടമുണ്ടായത്. കോഴിക്കോട് ഹോട്ടല്‍മാനേജ്‌മെന്‍റ് വിദ്യാര്‍ഥിയാണ് അമല്‍രാജ്. സംഭവത്തെ തുടര്‍ന്ന് റെയില്‍വെ പൊലീസ് സ്ഥലത്തെത്തി. മൃതദേഹം പോസ്റ്റ്മോര്‍ട്ടത്തിനുശേഷം ബന്ധുക്കള്‍ക്ക് വിട്ടുനൽകും.