കാസർകോട് ശബരിമല തീർഥാടകരുടെ ബസ് മറിഞ്ഞു; ഒരാൾ മരിച്ചു: നിരവധി പേർക്ക് പരിക്ക്

കാസർകോട്: കാസർകോട് ബസ് മറിഞ്ഞ് അപകടം. കാസർകോട് കാറ്റംകവല മറ്റപ്പള്ളി വളവിൽ ശബരിമല തീർഥാടകർ സഞ്ചരിച്ച ബസാണ് അപകടത്തിൽപ്പെട്ടത്. കർണാടകയിൽ നിന്നുള്ള തീർഥാടക സംഘം സഞ്ചരിച്ചിരുന്ന വാഹനത്തിൽ 56 പേരുണ്ടായിരുന്നു. അപകടത്തിൽ ഒരാൾ മരിച്ചു. നിരവധി പേർക്ക് പരിക്കേറ്റതായാണ് വിവരം. മലയോര ഹൈവേയിലാണ് അപകടമുണ്ടായത്. താഴ്ചയിലേക്ക് വാഹനം മറിയുകയായിരുന്നു. മൂന്ന് പേരുടെ പരിക്ക് ​ഗുരുതരമാണ് എന്ന് റിപ്പോർട്ടുണ്ട്. ബസ് ഭാഗീകമായി തകർന്നു. നിയന്ത്രണം വിട്ട ബസ് താഴ്ചയിലേക്ക് മറിയുകയായിരുന്നു. കർണ്ണാടകത്തിലെ മൈസൂര് ജില്ലയിൽ നിന്നുള്ള തീർഥാടകരാണ് അപകടത്തിൽപ്പെട്ടത്. പരിക്കേറ്റവരെ ആശുപത്രിയിലേക്ക് മാറ്റി.

updating...