ശബരിമലയിൽ ദർശന സമയത്തിൽ മാറ്റം

ശബരിമല: ശബരിമലയിൽ ദർശന സമയത്തിൽ മാറ്റം വരുത്തി ദേവസ്വം ബോർഡ്. ശബരിമലയിൽ ഇനിമുതൽ എല്ലാ മാസ പൂജകൾക്കുമുള്ള സമയക്രമം പുനക്രമീകരിച്ചു. പുലർച്ചെ 5 മണിക്ക് നട തുറക്കും. ഉച്ചയ്ക്ക് 1 മണിക്ക് നടയടക്കും. വൈകിട്ട് 4ന് നട തുറക്കും, രാത്രി 10 മണിക്ക് ഹരിവരാസനം പാടി നട അടയ്ക്കും. സിവിൽ ദർശനത്തിനും (ഇരുമുടിക്കെട്ട് ഇല്ലാതെയുള്ള ദർശനം) പുതിയ സമയക്രമം ഏർപ്പെടുത്തി. രാവിലെ നട തുറന്നശേഷം 6 മണി മുതൽ മാത്രമേ സിവിൽ ദർശനം ഉണ്ടാവുകയുള്ളൂ. രാത്രി 9.30 ന് സിവിൽ ദർശന സമയക്രമം അവസാനിക്കും.