ഓപ്പറേഷന്‍ ഡി-ഹണ്ട്: 72 പേർ അറസ്റ്റിൽ

തിരുവനന്തപുരം : ഓപ്പറേഷൻ ഡിഹണ്ടിന്റെ ഭാഗമായി ബുധനാഴ്ച സംസ്ഥാനവ്യാപകമായി നടത്തിയ പരിശോധനയിൽ 72 പേർ അറസ്റ്റിൽ. 65 കേസുകൾ രജിസ്റ്റർ ചെയ്തു. ആകെ 0.028 കിലോ എംഡിഎംഎയും 00.021 കിലോ കഞ്ചാവും പിടിച്ചെടുത്തു.

മയക്കുമരുന്ന് വിൽക്കുന്നതായി സംശയിക്കുന്ന 1924 പേരെ പരിശോധനയ്ക്ക് വിധേയമാക്കി. പൊതുജനങ്ങളിൽ നിന്ന് മയക്കുമരുന്ന് സംബന്ധിച്ച വിവരങ്ങൾ സ്വീകരിച്ച് നടപടികളെടുക്കാൻ 24 മണിക്കൂറും പ്രവർത്തിക്കുന്ന ആന്റി നർക്കോട്ടിക്ക് കൺട്രോൾ റൂം (9497927797) നിലവിലുണ്ട്. ഈ നമ്പറിലേക്ക് ബന്ധപ്പെടുന്നവരുടെ വിവരങ്ങൾ രഹസ്യമായാണ് സൂക്ഷിക്കുക.