print edition തദ്ദേശ തെരഞ്ഞെടുപ്പ്‌ ; ഇനി വിജ്ഞാപനം

തിരുവനന്തപുരം

തദ്ദേശ സ്ഥാപനങ്ങളിലെ അധ്യക്ഷ സംവരണവും നിശ്‌ചയിച്ചതോടെ ശേഷിക്കുന്നത്‌ പൊതു തെരഞ്ഞെടുപ്പിനുള്ള വിജ്ഞാപനം. സംസ്ഥാന തെരഞ്ഞെടുപ്പ്‌ കമീഷന്റെ ഒരുക്കങ്ങൾ അവസാനഘട്ടത്തിലാണ്‌. തെരഞ്ഞെടുപ്പ്‌ ചുമതലയുള്ള മുഴുവൻ ഉദ്യോഗസ്ഥരുടെയും പട്ടിക വെള്ളിയാഴ്‌ച ലഭിക്കും. റിട്ടേണിങ്‌ ഓഫീസർമാർക്കുള്ള രണ്ടാംഘട്ട പരിശീലനവും വെള്ളിയാഴ്‌ച പൂർത്തിയാകും.

വാർഡുകളിലെ സംവരണം നിശ്‌ചയിക്കൽ പൂർത്തിയായതോടെ രാഷ്ട്രീയ പാർടികൾ സ്ഥാനാർഥി നിർണയത്തിലേക്ക്‌ കടന്നിരുന്നു. വിജ്ഞാപനത്തിനുള്ള ദിവസം അടുത്തതോടെ സംസ്ഥാനം തെരഞ്ഞെടുപ്പ്‌ ചൂടിലേക്ക്‌ കടന്നു.

സംസ്ഥാനത്തും തദ്ദേശസ്ഥാപനങ്ങളിലും നടപ്പിലാക്കിയ സമാനതകളില്ലാത്ത വികസനത്തിന്റെയും ജനക്ഷേമപ്രവർത്തനങ്ങളുടെയും ആത്മവിശ്വാസത്തിലാണ്‌ എൽഡിഎഫ്‌ തെരഞ്ഞെടുപ്പിനെ നേരിടാനൊരുങ്ങുന്നത്‌. മുന്നണിയിലെ സീറ്റ്‌ വിഭജന ചർച്ചകൾ അന്തിമ ഘട്ടത്തിലാണ്‌.

യുഡിഎഫിൽ സ്ഥാനാർഥി ചർച്ച വലിയ പോരിനാണ്‌ തിരികൊളുത്തിയിരിക്കുന്നത്‌. ബിജെപിയിലും സമാന സ്ഥിതിയാണ്‌.