മെസി കേരളത്തിലെത്തും; ഔദ്യോഗിക സ്ഥിരീകരണം ലഭിച്ചതായി മന്ത്രി

തിരുവനന്തപുരം : സൂപ്പർ താരം ലയണൽ മെസിയും അർജന്റീന ഫുട്ബോൾ ടീമും കേരളത്തിലെത്തും. ഇത് സംബന്ധിച്ച് ഔദ്യോ​ഗിക സ്ഥിരീകരണം ലഭിച്ചതായി മന്ത്രി വി അബ്ദുറഹിമാൻ പറഞ്ഞു. ഖത്തർ ലോകകപ്പ് നേടിയ അർജന്റീന ടീമാണ് കേരളത്തിൽ എത്തുക. അർജന്റീന ഫുട്ബോൾ ഫെഡറേഷനും സമൂഹമാധ്യമങ്ങൾ വഴി ഒക്ടോബർ, നവംബർ മാസങ്ങളിലെ സൗഹൃദമത്സരങ്ങളുടെ വിവരങ്ങൾ പുറത്തുവിട്ടു. നവംബർ 10നും 18നും ഇടയ്ക്ക് കേരളത്തിലെത്തുമെന്നാണ് അസോസിയേഷൻ അറിയിച്ചത്. അം​ഗോളയിലും അർജന്റീന ടീമിന്റെ സൗഹൃദമത്സരമുണ്ട്. എതിരാളികൾ ആരാണെന്ന് തീരുമാനിച്ചിട്ടില്ല.

നവംബർ 2025 ഫിഫ ഇന്റർനാഷണൽ വിൻഡോയിൽ സൗഹൃദ മത്സരത്തിനായി ലയണൽ മെസ്സി അടങ്ങുന്ന ഖത്തർ ലോകകപ്പ് നേടിയ അർജന്റീന ടീം കേരളത്തിൽ എത്തുമെന്ന് ഔദ്യോഗിക സ്ഥിരീകരണം ഒഫീഷ്യൽ മെയിൽ വഴി ലഭിച്ചു- മന്ത്രി ഫേസ്ബുക്കിൽ കുറിച്ചു.