കോഴിക്കോട് കെഎസ്‌ആർടിസി ബസ്‌ മറിഞ്ഞു; 15 പേർക്ക്‌ പരിക്ക്‌
മുക്കം: കോഴിക്കോട് മുക്കം മണാശേരിയിൽ കെഎസ്‌ആർടിസി സൂപ്പർ ഫാസ്‌റ്റ്‌ ബസ്‌ മറിഞ്ഞു. 15 പേർക്ക്‌ പരിക്ക്‌. ഇടുക്കിയിൽനിന്ന്‌ കോഴിക്കോട്ടെത്തി കൂമ്പാറയിലേക്ക്‌ പോവുകയായിരുന്ന ബസാണ്‌ മറിഞ്ഞത്‌. ഞായർ രാത്രി 11.30ഓടെയാണ്‌ അപകടം. പരിക്കേറ്റവരിൽ 13 യാത്രക്കാരും രണ്ട്‌ ബസ്‌ ജീവനക്കാരുമാണുള്ളത്‌. ആരുടേയും പരിക്ക്‌ ഗുരുതരമല്ല.
പരിക്കേറ്റവരെ കെഎംസിടി മെഡിക്കൽ കോളേജ്‌ ആശുപത്രിയിൽ പ്രവേശിപ്പിച്ചു. അമിതവേഗത്തിലായിരുന്ന ബസ്‌ മുന്നിലെ കാറിനെ വെട്ടിച്ചപ്പോഴാണ്‌ അപകടമെന്ന്‌ യാത്രക്കാർ പറഞ്ഞു.
0 comments