കണ്ണൂരിൽ എംഡിഎംഎയുമായി രണ്ട് പേർ അറസ്റ്റിൽ

കണ്ണൂർ: താവക്കരയിലെ ഒരു ഹോട്ടലിൽ വെച്ച് എംഡിഎംഎയുമായി രണ്ടുപേരെ കണ്ണൂർ ടൗൺ പൊലീസ് പിടികൂടി. തയ്യിൽ മറക്കരകണ്ടി സ്വദേശികളായ സി എച്ച് ആരിഫ് (41), അപർണ (25) എന്നിവരാണ് പിടിയിലായത്. ഇവരിൽ നിന്ന് 2.94 ഗ്രാം എംഡിഎംഎ പൊലീസ് കണ്ടെത്തിയിട്ടുണ്ട്.

ലഹരി വസ്തുക്കളുമായി ഒരു സ്ത്രീയും പുരുഷനും ഹോട്ടലിലുണ്ടെന്ന രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് അറസ്റ്റ്. കണ്ണൂർ ടൗൺ പൊലീസ് സ്റ്റേഷൻ ഇൻസ്പെക്ടർ വിനു മോഹൻ പിഎയുടെ നിർദ്ദേശപ്രകാരം, സബ് ഇൻസ്പെക്ടർ ദീപ്തി വിവിയുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. സബ് ഇൻസ്പെക്ടർ വിനീത്, സീനിയർ സിവിൽ പൊലീസ് ഓഫീസർമാരായ സുമേഷ്, സമീർ, സിവിൽ പൊലീസ് ഓഫീസർമാരായ സൗമ്യ, വിനിൽമോൻ എന്നിവരും പൊലീസ് സംഘത്തിൽ ഉണ്ടായിരുന്നു.