രാഹുലിന് തെറ്റു പറ്റി, സമ്മതിക്കുന്നു... അവൻ തെറ്റൊന്നും ചെയ്തില്ലെന്ന് എവിടെയും പറഞ്ഞില്ലല്ലോ: കെ സുധാകരൻ

K Sudhakaran Rahul Mamkootathil
വെബ് ഡെസ്ക്

Published on Nov 29, 2025, 12:02 PM | 1 min read

തിരുവനന്തപുരം: രാഹുൽ തെറ്റുകാരൻ ആണെന്ന് സമ്മതിക്കുമ്പോഴും തള്ളിപ്പറയാനാകാതെ മലക്കം മറിഞ്ഞ് കെ സുധാകരൻ. രാഹുലിന് തെറ്റ് പറ്റിയെന്നും, അവൻ തെറ്റുകാരനല്ലെന്ന് താൻ എവിടെയും പറഞ്ഞിട്ടില്ലെന്നുമാണ് ഇപ്പോൾ സുധാകരൻ പറയുന്നത്. എന്നാൽ അപ്പോഴും അവൻ രാഷ്ട്രീയജീവിതം ഒന്നും അവസാനിപ്പിക്കാൻ മാത്രം വലിയ തെറ്റൊന്നും ചെയ്തില്ലെന്ന് പറഞ്ഞ് ഉരുളുകയാണ് അദ്ദേഹം.


കേസ് വന്ന സ്ഥിതിക്ക് അതിന്റെ അനന്തരഫലം അനുസരിച്ച് ബാക്കി നോക്കാമെന്നും അദ്ദേഹം പറഞ്ഞു. എനിക്ക് ഒരു വാക്കും ഒരു നാക്കും ഒരു പണിയും ഒരു വിശ്വാസവുമേ ഉള്ളൂ. ഞാൻ പറഞ്ഞതെല്ലാം പറഞ്ഞത് തന്നെ. അവൻ ചെയ്തത് ശരിയാണെന്ന് ഞാൻ എവിടെയും പറഞ്ഞിട്ടില്ല. പക്ഷെ എന്ന് കരുതി അവന്റെ രാഷ്ട്രീയ ജീവിതം അവസാനിപ്പിക്കേണ്ട എന്നേ ഞാൻ പറഞ്ഞിട്ടുള്ളൂ.


എന്നാല്‍ യുവതി പരാതി നല്‍കുന്നതിന് തൊട്ട്മുമ്പ് വരെ ശബ്ദരേഖയിൽ സത്യമില്ലെന്നും രാഹുലിനെ അപമാനിക്കാനുള്ള നീക്കത്തിന്റെ ഭാഗമാണതെന്നുമായിരുന്നു സുധാകരൻ പ്രതികരിച്ചത്. കോണ്‍ഗ്രസ് രാഹുലിനെ അവിശ്വസിക്കുന്നില്ലെന്നും രാഹുല്‍ സജീവമായി രംഗത്തിറങ്ങണമെന്നും അദ്ദേഹം ആവര്‍ത്തിച്ചു. ആര്‌ എതിർത്താലും പ്രശ്നമല്ല. രാഹുലുമായി ഫോണില്‍ സംസാരിച്ചപ്പോൾ തെറ്റുകാരനല്ലെന്ന്‌ ബോധ്യമായി. രാഹുലുമായി വേദി പങ്കിടുമെന്നും സുധാകരന്‍ പറഞ്ഞു.


അതേസമയം പാർട്ടിയിൽ നിന്ന് സസ്‍പെൻഡ് ചെയ്തില്ലേ അതിൽ കൂടുതൽ എന്താണ് ചെയ്യേണ്ടത് എന്ന ചോദ്യം ആവർത്തിക്കുകയാണ് ചെന്നിത്തലയും സതീശനും ഉൾപ്പെടെയുള്ള കോൺ​ഗ്രസ് നേതാക്കൾ.



deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home