സിപിഐ എം സംസ്ഥാന സമ്മേളനം; പതാക ജാഥ മാര്‍ച്ച്‌ ഒന്നിന് കയ്യൂരില്‍ നിന്ന്‌ ആരംഭിക്കും

കണ്ണൂർ : സിപിഐ എം സംസ്ഥാന സമ്മേളനത്തിന് മുന്നോടിയായുള്ള പതാക ജാഥ മാര്‍ച്ച്‌ ഒന്നിന് കയ്യൂരില്‍ നിന്ന്‌ ആരംഭിക്കും. പാർടി സംസ്ഥാന സെക്രട്ടറി എം വി ഗോവിന്ദൻ പതാക ജാഥ ഉദ്ഘാടനം ചെയ്യും. എം സ്വരാജാണ് ജാഥ ലീഡർ, വത്സൻ പനോളിയാണ് ജാഥ മാനേജർ. ദീപ ശിഖ ജാഥ മാർച്ച് മൂന്നിന് വയലാറില്‍ നിന്ന്‌ ആരംഭിക്കും. പാർടി പോളിറ്റ് ബ്യുറോ അംഗം എ വിജയരാഘവൻ ദീപശിഖ ജാഥ ഉദ്ഘാടനം ചെയ്യും. പി കെ ബിജുവാണ്‌ ജാഥ ക്യാപ്‌റ്റന്‍, സി ബി ചന്ദ്രബാബുവാണ് ജാഥ മാനേജർ. കൊടിമര ജാഥ മാർച്ച് അഞ്ചിന് ശൂരനാട്‌ നിന്ന്‌ ആരംഭിക്കും. പാർടി പോളിറ്റ് ബ്യുറോ അംഗം എം എ ബേബി കൊടിമര ജാഥ ഉദ്ഘാടനം ചെയ്യും. സി എസ്‌ സുജാതയാണ് ജാഥ ക്യാപ്‌റ്റന്‍, രാജു എബ്രഹാമാണ് ജാഥ മാനേജർ. മാർച്ച് ആറു മുതൽ മുതൽ ഒൻപത് വരെ കൊല്ലത്താണ് സിപിഐ എം സംസ്ഥാന സമ്മേളനം നടക്കുന്നത്.