'ഡിയർ ലാലേട്ടൻ...' മെസിയുടെ വക മോഹൻലാലിനൊരു ഓട്ടോ​ഗ്രാഫ് - വീഡിയോ

കൊച്ചി: മലയാളത്തിന്റെ പ്രിയതാരം മോഹൻലാലിന് ലോക ഫുട്ബോൾ സൂപ്പർതാരം ലയണൽ മെസിയുടെ ഓട്ടോഗ്രാഫ്. മോഹൻലാൽ തന്നെയാണ് സമൂഹമാധ്യമങ്ങളിൽ ഈ സന്തോഷ വാർത്ത പങ്കുവച്ചത്. 'ഡിയർ ലാലേട്ടൻ' എന്ന് എഴുതിയാണ് മെസി ഓട്ടോ​ഗ്രാഫ് ഒപ്പിട്ടത്.

‘‘ജീവിതത്തിലെ ചില നിമിഷങ്ങൾ വാക്കുകൾ കൊണ്ട് പറയാൻ പറ്റാത്തത്ര ആഴമുള്ളതാണ്. അവ എന്നെന്നും നിങ്ങളോടൊപ്പം നിലനിൽക്കും. അത്തരം നിമിഷങ്ങളിൽ ഒന്ന് ഞാൻ അനുഭവിച്ചു. സമ്മാനപ്പൊതി അഴിക്കുമ്പോൾ, എന്റെ ഹൃദയമിടിപ്പ് കൂടുന്നുണ്ടായിരുന്നു - ഇതിഹാസം , ലയണൽ മെസി ഒപ്പിട്ട ഒരു ജഴ്‌സി. അതാ... എന്റെ പേര്, അദ്ദേഹത്തിന്റെ സ്വന്തം കൈപ്പടയിൽ എഴുതിയിരിക്കുന്നു. മോഹൻലാൽ വീഡിയോ പങ്കുവെച്ച് കൊണ്ട് കുറിച്ചു.