ദേശീയപാത സര്‍വീസ് റോഡ് വണ്‍വേയാക്കും; ഹൈവേവഴി ദീര്‍ഘദൂര ബസുകള്‍ മാത്രം
മലപ്പുറം: ദേശീയപാത 66 സര്‍വീസ് റോഡുകള്‍ വണ്‍വേയാക്കി മാറ്റും. മലപ്പുറം കലക്ടര്‍ വി ആര്‍ വിനോദിന്റെ അധ്യക്ഷതയില്‍ ചേര്‍ന്ന റോഡ് സുരക്ഷാ യോഗത്തിലാണ്‌ തീരുമാനം. സര്‍വീസ് റോഡ് തടസ്സപ്പെടുത്തുന്ന ഓട്ടോ സ്റ്റാന്‍ഡുകള്‍, വാഹന പാര്‍ക്കിങ് എന്നിവ ഒഴിവാക്കും. അനധികൃത കൈയേറ്റങ്ങള്‍ നീക്കും. ഓട്ടോറിക്ഷ സ്റ്റാന്‍ഡുകളുടെ പുനഃക്രമീകരണത്തിനുള്ള നടപടിയെടുക്കാൻ തദ്ദേശ സ്ഥാപനങ്ങള്‍ക്ക് നിര്‍ദേശം നല്‍കി.
കെഎസ്ആര്‍ടിസി ഉള്‍പ്പെടെയുള്ള ദീര്‍ഘദൂര ബസുകള്‍മാത്രമേ ഹൈവേവഴി സര്‍വീസ് നടത്താവൂ. സ്റ്റേജ് ക്യാരേജ് ബസുകള്‍ സര്‍വീസ് റോഡുള്ള ഭാഗങ്ങളില്‍ അതുവഴിമാത്രമേ പോകാവൂ. നിര്‍ദിഷ്ട സ്റ്റോപ്പുകളില്‍ ബസുകള്‍ നിര്‍ത്തണം. ദേശീയപാതയില്‍ ബസുകള്‍ നിര്‍ത്തുകയോ ആളുകളെ കയറ്റുകയോ ഇറക്കുകയോ ചെയ്യരുത്. ഹൈവേയിലെ കാമറകള്‍ പരിശോധിച്ച് നടപടി സ്വീകരിക്കും. ഡ്രൈവര്‍മാരുടെ കാഴ്ചയ്‌ക്ക്‌ തടസ്സമാകുന്ന രീതിയില്‍ റോഡരികില്‍ അനധികൃതമായി സ്ഥാപിച്ച പരസ്യബോര്‍ഡുകള്‍, ബാനറുകള്‍, പെട്ടിക്കടകള്‍, മറ്റ് കച്ചവട സ്ഥാപനങ്ങള്‍ എന്നിവ നീക്കംചെയ്യാനും തീരുമാനിച്ചു.
Related News
Dont Miss it
0 comments