Top
18
Monday, December 2017
About UsE-Paper

ട്രംപ് ചൈനയില്‍

Thursday Nov 9, 2017
വെബ് ഡെസ്‌ക്‌

ബീജിങ് > അമേരിക്കന്‍ പ്രസിഡന്റ് ഡോണള്‍ഡ് ട്രംപ് മൂന്നു ദിവസത്തെ സന്ദര്‍ശനത്തിന് ചൈനയിലെത്തി. പ്രസിഡന്റായ ശേഷം ആദ്യമായാണ് ട്രംപ് ചൈന സന്ദര്‍ശിക്കുന്നത്. ട്രംപിനൊപ്പം ഭാര്യ മിലേനിയയുമുണ്ട്.

ബീജിങ്ങില്‍ ചൈനീസ് പ്രസിഡന്റ് ഷി ജിന്‍പിങ്ങുമായും മറ്റ് നേതാക്കളുമായും ട്രംപ്  കൂടിക്കാഴ്ച നടത്തും. നയതന്ത്രബന്ധ-വ്യാപാരബന്ധങ്ങള്‍ സംബന്ധിച്ചും ഉഭയകക്ഷി വിഷയങ്ങളിലും ഇരുവരും ചര്‍ച്ച നടത്തുമെന്ന് ചൈനീസ് ഉപ വിദേശമന്ത്രി ഴെങ് സെഗുവാങ് പറഞ്ഞു.

ട്രംപും ഷി ജിന്‍പിങ്ങും ഇത് മൂന്നാം തവണയാണ് കൂടിക്കാഴ്ച നടത്തുന്നത്. 12 ദിവസത്തെ ഏഷ്യ-പസഫിക് പര്യടനത്തിന്റെ ഭാഗമായാണ് ട്രംപ് ചൈനയില്‍ എത്തിയത്. ദക്ഷിണ കൊറിയന്‍ പാര്‍ലമെന്റില്‍ പ്രസംഗിച്ചശേഷമാണ് ട്രംപ് ബീജിങ്ങില്‍ എത്തിയത്. ഉത്തരകൊറിയക്കെതിരെ ശക്തമായ നിലപാട് സ്വീകരിക്കാന്‍ ചൈന തയ്യാറാകണമെന്ന് ട്രംപ് പ്രസംഗത്തില്‍ ആവശ്യപ്പെട്ടിരുന്നു. ഷി ജിന്‍പിങ്ങുമായുള്ള ട്രംപിന്റെ കൂടിക്കാഴ്ചയില്‍ ഉത്തരകൊറിയ മുഖ്യ വിഷയമാകുമെന്നാണ് റിപ്പോര്‍ട്ട്.