Top
17
Sunday, December 2017
About UsE-Paper

ക്വാര്‍ട്ടര്‍ ഡിസംബര്‍ 7 മുതല്‍

Wednesday Nov 29, 2017
വെബ് ഡെസ്‌ക്‌

ന്യൂഡല്‍ഹി > രഞ്ജി ട്രോഫി അവസാന ഗ്രൂപ്പ് മത്സരങ്ങള്‍ പൂര്‍ത്തിയായതോടെ ക്വാര്‍ട്ടര്‍ ലൈനപ്പായി. നിലവിലെ ചാമ്പ്യന്‍മാരായ ഗുജറാത്ത് കേരളത്തിനൊപ്പം ഗ്രൂപ്പ് ബിയില്‍നിന്ന് അവസാന എട്ടിലെത്തി. ഗ്രൂപ്പ് എയില്‍നിന്ന് കര്‍ണാടകം, ഡല്‍ഹി ഗ്രൂപ്പ് സിയില്‍നിന്ന് മധ്യപ്രദേശ്, മുംബൈ, ഗ്രൂപ്പ് ഡിയില്‍നിന്ന് വിദര്‍ഭ, ബംഗാള്‍ എന്നീ ടീമുകളും നോക്കൌട്ടിലേക്ക് കടന്നു. ഡിസംബര്‍ 7 മുതലാണ് ക്വാര്‍ട്ടര്‍ മത്സരങ്ങള്‍.

ഗ്രൂപ്പ് എയില്‍ ആറ് കളിയില്‍ നാല് ജയവും രണ്ട് സമനിലയുമായി 32 പോയിന്റ് നേടിയ കര്‍ണാടകം ഒന്നാമതായി. മൂന്നുവീതം ജയവും സമനിലയുമായി ഡല്‍ഹി 27 പോയിന്റ് നേടി. ഗ്രൂപ്പ് സിയില്‍ 21 പോയിന്റോടെയാണ് മധ്യപ്രദേശ് ഒന്നാമതായത്. ആറില്‍ മൂന്ന് ജയവും ഒരു തോല്‍വിയും രണ്ട് സമനിലയും. അത്രതന്നെ പോയിന്റ് നേടി മുംബൈ രണ്ടാമതായി. രണ്ട് ജയവും നാല് സമനിലയുമാണ് മുംബൈക്ക്.

ആറ് കളിയില്‍ നാല് ജയത്തോടെ 31 പോയിന്റ് നേടിയാണ് വിദര്‍ഭ ഗ്രൂപ്പ് ഡിയില്‍ ഒന്നാമതായത്. ബംഗാള്‍ രണ്ടില്‍ ജയിച്ചപ്പോള്‍ മൂന്നില്‍ സമനിലയായി. ഒരു കളി തോറ്റു. ആകെ 23 പോയിന്റ്.

Categories