16 November Friday

മെല്‍ബണ്‍ സെന്റ് മേരിസ് ഇന്ത്യന്‍ ഓര്‍ത്തഡോക്‌സ് കത്തീഡ്രലില്‍ ഇടവക മെത്രാപൊലീത്തായുടെ സന്ദര്‍ശനവും ഒവിബിഎസും

എബി പൊയ്ക്കാട്ടില്‍Updated: Wednesday Oct 4, 2017

മെല്‍ബണ്‍ > മലങ്കര ഓര്‍ത്തഡോക്‌സ് സഭയുടെ മദ്രാസ് ഭദ്രാസനത്തില്‍പ്പെട്ട മെല്‍ബണ്‍ സെന്റ് മേരിസ് ഇന്ത്യന്‍ ഓര്‍ത്തഡോക്‌സ് കത്തീഡ്രലില്‍ വെക്കേഷന്‍ ബൈബിള്‍ സ്‌കൂളും, ഇടവക മെത്രാപൊലീത്തായുടെ സന്ദര്‍ശനവും ഒക്ടോബര്‍ നാലുമുതല്‍ എട്ടുവരെ തീയതികളില്‍ നടക്കും.
 
നൂറ്റി അന്‍പതോളം വിദ്യാര്‍ത്ഥികള്‍ പങ്കെടുക്കുന്ന ബൈബിള്‍ ക്ലാസ്സുകള്‍ക്കു വികാരി റവ. ഫാ. പ്രദീപ് പൊന്നച്ചന്‍ നേതൃത്വം നല്‍കും. ''എല്ലാവര്‍ക്കും നന്മ ചെയ്യുവിന്‍" എന്നതാണ് ഈ വര്‍ഷത്തെ മുഖ്യചിന്താവിഷയം.

അഞ്ചാം തീയതി മെല്‍ബണില്‍ എത്തിചേരുന്ന ഭദ്രാസനാധിപന്‍ ഡോ. യുഹാന്നോന്‍ മാര്‍ ദിയസ്‌ക്കോറോസ്മെത്രാപൊലീത്തായ്ക്ക് പ്രൌഢഗംഭീരമായ സ്വീകരണം നല്‍കും. വിവിധ ആദ്ധ്യാത്മിക സംഘടനാ പ്രവര്‍ത്തകരുമായും, ഇടവക ഭരണ സമിതിയുമായും തിരുമേനി പ്രത്യേക കൂടികാഴ്ചകള്‍ നടത്തും.

ആറാം തിയതി വൈകുന്നേരം കത്തീഡ്രലില്‍ വച്ചു നടത്തപ്പെടുന്ന സന്ധ്യാനമസ്‌കാരത്തിനും മധ്യസ്ഥപ്രാര്‍ത്ഥനക്കും  തിരുമേനി നേതൃത്വം നല്‍കും.

ഏഴാം തീയതി ശനിയാഴ്ച രാവിലെ 8മണിക്ക് ക്ലേറ്റണ്‍ സെന്റ് ഗ്രിഗോറിയോസ് ചാപ്പലില്‍ തിരുമേനി   വിശുദ്ധ കുര്‍ബാന അര്‍പ്പിക്കുകയും തുടര്‍ന്നു പരിശുദ്ധ പരുമല തിരുമേനിയുടെ തിരുശേഷിപ്പ് സ്ഥാപിക്കുകയും ചെയ്യും. 11 മണിയോടെ സഹോദരീ സഭയായ കോപ്റ്റിക്ക് ഓര്‍ത്തഡോക്‌സ് സഭയുടെയും, മലങ്കര സഭയുടെയും യുവജനങ്ങളുടെ സംയുക്ത സമ്മേളനത്തെ തിരുമേനി അഭിസംബോധന ചെയ്യും.

എട്ടാം തീയതി ഞായറാഴ്ച കത്തീഡ്രല്‍ ദേവാലയത്തില്‍ വിശുദ്ധകുര്‍ബാനക്കും തിരുമേനി മുഖ്യകാര്‍മ്മികത്വം വഹിക്കും. അന്നു നടക്കുന്ന ഒവിബി എസിന്റെ  സമാപനസമ്മേളനത്തില്‍ മുഖ്യസന്ദേശം നല്‍കുകയും ചെയ്യും. പ്രസ്തുത പരിപാടികളുടെ വിജയകരമായ നടത്തിപ്പിനായി വികാരി റവ. ഫാ. പ്രദീപ് പൊന്നച്ചന്‍, സഹ. വികാരി റവ. ഫാ. സജു ഉണ്ണൂണ്ണി, കൈക്കാരന്‍  എം സി ജേക്കബ്, സെക്രട്ടറി ജിബിന്‍ മാത്യു എന്നിവരുടെ നേതൃത്വത്തില്‍ വിവിധ കമ്മറ്റികള്‍ പ്രവര്‍ത്തനം ആരംഭിച്ചതായി വികാരി അറിയിച്ചു.

 

മറ്റു വാർത്തകൾ
പ്രധാന വാർത്തകൾ
Top