22 November Thursday

‘കറപ്‌റ്റ്‌ മോഡി’: പ്രധാനമന്ത്രിയുടെ അഴിമതികൾ അക്ഷരമാലാ ക്രമത്തിൽ പ്രസിദ്ധീകരിച്ച്‌ വെബ്‌സൈറ്റ്‌

വെബ് ഡെസ്‌ക്‌Updated: Monday Oct 15, 2018

ന്യൂഡൽഹി > പ്രധാനമന്ത്രി നരേന്ദ്ര മോഡിയുടെ അഴിമതികൾ അക്ഷരമാലാക്രമത്തിൽ പട്ടികയാക്കി പ്രസിദ്ധീകരിച്ച്‌ വെബ്സൈറ്റ്‌. www.corruptmodi.com എന്ന വെബ്സൈറ്റാണ്‌ ബിജെപി സർക്കാരുകളുടെ അഴിമതിക്കഥകൾ അക്കമിട്ട്‌ നിരത്തി രംഗത്തെത്തിയത്‌.

A മുതൽ Z വരെ ഇംഗ്ലീഷ്‌  അക്ഷരമാലയിലെ ഒരോ അക്ഷരത്തിലും ക്ലിക്ക്‌ ചെയ്യുമ്പോൾ ആ അക്ഷരത്തിൽ ആരംഭിക്കുന്ന അഴിമതികളുടെ വിവരങ്ങൾ ലഭ്യമാകും വിധമാണ്‌ സൈറ്റ്‌ രൂപകൽപ്പന ചെയ്‌തിരിക്കുന്നത്‌. അസം സിവിൽ സർവീസ്‌ പരീഷാ അഴിമതി മുതൽ സുബിൻ ഇറാനി(കേന്ദ്രമന്ത്രി സ്‌മൃതി ഇറാനിയുടെ ഭർത്താവ്‌)യുടെ ഭൂമി തട്ടിപ്പ്‌ കേസ്‌  വരെ ഉൾപ്പെടുന്നതാണ്‌ അഴിമതി പട്ടിക. ഓരോ അഴിമതിയുടെയും വിവരങ്ങളടങ്ങിയ ചെറുകുറിപ്പും വിശദമായ വായനക്ക്‌ അതുമായി ബന്ധപ്പെട്ട   വാർത്തകളുടെ ലിങ്കും ഈ വെബ്‌സൈറ്റിൽ ലഭ്യമാണ്‌.

2014ലെ തെരഞ്ഞെടുപ്പ്‌ കാലത്ത്‌ അഴിമതി ആരോപണങ്ങളിൽപ്പെട്ടുലഞ്ഞിരുന്ന കോൺഗ്രസിനെ മോഡിയും ബിജെപിയും അഴിമതിവിരുദ്ധരാണ്‌ എന്ന പരസ്യങ്ങളിലൂടെയാണ്‌ ബിജെപി നേരിട്ടത്‌. എന്നാൽ ഭരണത്തിലേറി നാല്‌ വർഷത്തിനകം നിരവധി അഴിമതിയാരോപണങ്ങളിൽ മറുപടിയില്ലാതെ നട്ടംതിരിയുന്ന ബിജെപിയെ കണക്കിന്‌ പരിഹസിക്കുകയാണ്‌ സൈബർ ലോകം. ട്രോളുകളിലൂടെയും ട്വീറ്റുകളിലൂടെയും ഫേസ്‌ബുക്ക്‌ പോസ്റ്റുകളിലൂടെയും ബിജെപി സർക്കാരിനെതിരെ കടുത്ത വിമർശനമുയരുന്നതിനിടെയാണ്‌ അഴിമതികളുടെ പട്ടികയും വിശദാംശവും നിരത്തി ‘കറപ്റ്റ്‌ മോഡി’ വെബ്‌സൈറ്റ്‌ രംഗത്തെത്തിയിരിക്കുന്നത്‌. വെബ്‌സൈറ്റ്‌  ഇതിനകം തന്നെ സാമൂഹ്യമാധ്യമങ്ങളിൽ ഹിറ്റായിട്ടുണ്ട്‌.

മറ്റു വാർത്തകൾ

പ്രധാന വാർത്തകൾ
Top