13 November Tuesday

സൈന്യത്തിന്റെ പേരിലുള്ള കള്ളപ്രചരണത്തിന്‌ പിന്നിൽ ചെന്നിത്തലയുടെ സെക്രട്ടറി

വെബ് ഡെസ്‌ക്‌Updated: Monday Aug 20, 2018

കൊച്ചി> കേരളത്തിന്റെ  രക്ഷാപ്രവര്‍ത്തനത്തെയും മുഖ്യമന്ത്രി പിണറായി വിജയനെയും അധിക്ഷേപിച്ചുകൊണ്ട് സൈനികന്റെ വേഷംകെട്ടി പ്രചരിച്ച വ്യാജ വീഡിയോയ്ക്ക് പിന്നില്‍ പ്രതിപക്ഷ നേതാവ് രമേശ് ചെന്നിത്തലയുടെ ഓഫീസ്.

സോഷ്യല്‍ മീഡിയയില്‍ ഈ വീഡിയോ വൈറലാവുന്നതിന് മുമ്പ് വീഡിയോ വാട്സ്ആപ്പില്‍ പ്രചരിപ്പിച്ചത് രമേശ് ചെന്നിത്തലയുടെ പ്രൈവറ്റ് സെക്രട്ടറിയായ ഹബീബ് ഖാനാണെന്ന് കണ്ടെത്തി. ഉണ്ണി എസ് നായര്‍ എന്നയാളാണ് സൈനിക വേഷത്തില്‍ വീഡിയോയില്‍ തെറ്റിദ്ധാരണ പരത്തുന്ന രീതിയിലുള്ള പ്രചരണം നടത്തിയത്.

ഒപ്പോസിഷൻ ലീഡർ 2 എന്ന ഗ്രൂപ്പിൽ ഹബീബ്‌ ഖാൻ പോസ്‌റ്റ്‌ ചെയ്‌ത വീഡിയോയുടെ സ്‌ക്രീൻ ഷോട്ട്‌

ഒപ്പോസിഷൻ ലീഡർ 2 എന്ന ഗ്രൂപ്പിൽ ഹബീബ്‌ ഖാൻ പോസ്‌റ്റ്‌ ചെയ്‌ത വീഡിയോയുടെ സ്‌ക്രീൻ ഷോട്ട്‌



പ്രതിപക്ഷ നേതാവിന്‍റെ ഔദ്യോഗിക വാട്സ്ആപ്പ് ഗ്രൂപ്പിലാണ് ഈ വീഡിയോ ഷെയര്‍ ചെയ്യപ്പെട്ടത്. ഇന്നലെ രാവിലെ 9:47 നാണ് ഹബീബ് ഖാന്‍ വീഡിയോ ഈ ഗ്രൂപ്പില്‍ ഷെയര്‍ ചെയ്യുന്നത്.അതിന് ശേഷമാണ് പോസ്റ്റ് സോഷ്യല്‍ മീഡിയയില്‍ പരക്കെ പ്രചരിക്കുന്നത്.


ഈ വ്യാജ പ്രചരണത്തിനെതിരെ സൈന്യം തന്നെ രംഗത്തുവന്നിരുന്നു. പ്രചരണം വ്യാജമാണെന്ന് തെളിഞ്ഞതോടെ ഇയാള്‍ക്കെതിരെ കേസെടുക്കാനും  ഉത്തരവായിരുന്നു.

മറ്റു വാർത്തകൾ
പ്രധാന വാർത്തകൾ
Top