21 September Friday

റേഷൻ വാങ്ങാം; ഇഷ്ടമുള്ള കടയിൽനിന്ന‌്

വെബ് ഡെസ്‌ക്‌Updated: Saturday Jul 7, 2018


ആധാർ നമ്പർ ലിങ്ക‌് ചെയ‌്ത റേഷൻ കാർഡുണ്ടെങ്കിൽ  ഇഷ്ടമുള്ള റേഷൻകടയിൽനിന്ന‌് സാധനങ്ങൾ വാങ്ങാം. ഈ സൗകര്യം മുമ്പേയുണ്ടെങ്കിലും ആരും പൊതുവേ ഉപയോഗിക്കാറില്ല. ഇതേ തുടർന്ന‌്   പൊതുജനങ്ങളിൽ അവബോധം സൃഷ്ടിക്കാൻ ഉദ്ദേശിച്ച‌് ഭക്ഷ്യ പൊതുവിതരണവകുപ്പ‌് ഉത്തരവിറക്കി.

 പുതിയ തീരുമാനപ്രകാരം താമസം മാറുന്നതിനനുസരിച്ച‌് കാർഡ‌് മാറ്റേണ്ട. കാസർകോട്ട‌് താമസിക്കുന്ന ഒരാൾ തിരുവനന്തപുരത്ത‌് ജോലിക്ക‌് വന്നാൽ നാട്ടിലെ കാർഡുപയോഗിച്ച‌് തൊട്ടടുത്ത റേഷൻ കടയിൽനിന്ന‌് സാധനങ്ങൾ വാങ്ങാം. റേഷൻ കാർഡ‌് ആധാർ നമ്പരുമായി ബന്ധിപ്പിച്ചവർക്കേ സൗകര്യം ഉപയോഗിക്കാനാകൂ. ആധാർ ലിങ്കിങ്ങിനുള്ള സൗകര്യം ഇപ്പോൾ കടകളിലുണ്ട‌്. വീടിനടുത്ത‌് റേഷൻഷോപ്പ‌് തുറന്നില്ലെങ്കിലോ, തിരക്കാണെങ്കിലോ അടുത്ത കടയിൽ പോയി സാധനം വാങ്ങാം. നല്ല പെരുമാറ്റം ലഭിക്കുന്നില്ലെങ്കിൽ അത്തരം കടകളെയും ഒഴിവാക്കാം.

കൂടുതൽ കച്ചവടം നടന്നാൽ കൂടുതൽ പ്രതിഫലം ലഭിക്കുമെന്നതിനാൽ  കടക്കാർ  സേവനത്തിന്റെ കാര്യത്തിൽ ആരോഗ്യകരമായ മത്സരം നടത്താൻ നിർബന്ധിതരാകും. സംസ്ഥാനത്ത‌് ഒന്നര ലക്ഷംപേർ നിലവിൽ പോർട്ടബിൾ സൗകര്യം ഉപയോഗപ്പെടുത്തി. സംവിധാനം കുറ്റമറ്റ രീതിയിൽ നടപ്പാക്കാൻ അടിയന്തര നടപടി കൈക്കൊള്ളാൻ സിവിൽ സപ്ലൈസ‌് ഡയറക്ടർക്ക‌് സർക്കാർ നിർദേശം നൽകി.റി മഹാരാജാസിൽ സംഘടിപ്പിച്ച  അഭിമന്യു അനുസ്‌മരണച്ചടങ്ങിൽനിന്ന്‌

പ്രധാന വാർത്തകൾ
Top