17 December Monday

മനസ്സുകൊണ്ട‌് മതിലിന്റെ ഭാഗമായി : ഡോ. എം ലീലാവതി

വെബ് ഡെസ്‌ക്‌Updated: Friday Dec 7, 2018

കളമശേരി
ജനുവരി ഒന്നിന് നടക്കുന്ന  വനിതാ മതിലിൽ താൻ മനസ്സുകൊണ്ട‌് അണിചേർന്നുകഴിഞ്ഞുവെന്ന‌് മലയാളത്തിന്റെ എഴുത്തമ്മ ഡോ. എം ലീലാവതി പറഞ്ഞു. ആരോഗ്യപ്രശ‌്നം മാത്രമാണ‌് തടസ്സമായി നിൽക്കുന്നത‌്.

വനിതാ മതിലിൽ ജാതി, മതം, കക്ഷി ദേദമില്ലാതെ എല്ലാ സ്ത്രീകളും ഒറ്റക്കെട്ടായി അണിനിരക്കണം. വനിതകൾ ഒരു കക്ഷിയല്ല, ജാതിയല്ല,  വർഗമല്ല, മതമല്ല. രണ്ട് ലിംഗവിഭാഗങ്ങളിൽ ഒന്നാണ്. ആണെന്നും പെണ്ണെന്നും രണ്ടു ജാതി മാത്രമെ ഈശ്വരൻ സൃഷ്ടിച്ചിട്ടുള്ളൂ. സ്ത്രീകൾ ഒന്നിച്ചു നിന്നാൽ വലിയ ശക്തിയാകും. എന്നാൽ ജാതി, മതം കക്ഷി എന്ന് സ്ത്രീയെ തരംതിരിച്ച് നിർത്തിയിരിക്കുകയാണ്. 

സ്ത്രീക്ക് പുരുഷന്മാരോടൊപ്പം അവകാശമുണ്ട‌്. ഈ അവകാശം സ്ഥാപിക്കാനായി സൃഷ്ടിക്കുന്ന വനിതാ മതിലിൽ എല്ലാ വിഭാഗം സ്ത്രീകളും അണിനിരക്കണം–- ലീലാവതി ടീച്ചർ പറഞ്ഞു.


പ്രധാന വാർത്തകൾ
Top