19 September Wednesday

വാഹനാപകടത്തില്‍ ബൈക്ക് യാത്രികന്‍ മരിച്ച സംഭവത്തില്‍ നാട്ടുകാര്‍ റോഡ് ഉപരോധിച്ചു

വെബ് ഡെസ്‌ക്‌Updated: Thursday Jul 12, 2018

തൃശൂര്‍ > തൃശൂര്‍ മനക്കുടിയില്‍ വാഹനാപകടത്തില്‍ ഒരാള്‍ മരിച്ച സംഭവത്തില്‍ നാട്ടുകാര്‍ മണിക്കൂറുകളോളം റോഡുപരോധിച്ചു. പൊട്ടിത്തകര്‍ന്ന റോഡിന്റെ അറ്റകുറ്റപ്പണി നടത്താത്തതാണ് അപകട കാരണമെന്ന് നാട്ടുകാര്‍ ആരോപിച്ചു. രാവിലെ പത്തുമണിക്കാണ് ബസ് ബൈക്കില്‍ ഇടിച്ച് അപകടമുണ്ടായത്. ബൈക്ക് യാത്രക്കാരനായ ചാലിശേരി സ്വദേശി മനക്കുടി പീറ്റര്‍ തല്‍ക്ഷണം മരിക്കുകയായിരുന്നു.

ഇതോടെ നാട്ടുകാര്‍ ശക്തമായ പ്രതിഷേധവുമായി രംഗത്തെത്തുകയായിരുന്നു. സ്വകാര്യ വാഹനങ്ങള്‍ ഉള്‍പ്പെടെ കിലോമീറ്ററുകളോളം ഗതാഗതം തടസപ്പെട്ടു. തുടര്‍ന്ന് എഡിഎം നേരിട്ടെത്തി റോഡിന്റെ അറ്റകുറ്റപ്പണി ഉടന്‍ നടത്തുമെന്ന് ഉറപ്പുനല്‍കിയതോടെയാണ് നാട്ടുകാര്‍ സമരം അവസാനിപ്പിച്ചത്.

 

പ്രധാന വാർത്തകൾ
Top