• 24 ഏപ്രില്‍ 2014
  • 11 മേടം 1189
  • 23 ജദുല്‍ആഖിര്‍ 1435
ഹോം  » ചരമം  » ആലപ്പുഴ  » ലേറ്റസ്റ്റ് ന്യൂസ്

കെ പപ്പു

കറ്റാനം: ഭരണിക്കാവ് പള്ളിക്കല്‍ ആയിക്കാട്ട് വടക്കതില്‍ കെ പപ്പു (87- സിപിഐ എം പള്ളിക്കല്‍ എ ബ്രാഞ്ച് അംഗം) നിര്യാതനായി. ഭാര്യ: ലക്ഷ്മിക്കുട്ടി. മക്കള്‍: പി രവി (കെസിടി ജീവനക്കാരന്‍, സിപിഐ എം അംഗം), പി രാഘവന്‍ (ജോയിന്റ് രജിസ്ട്രാര്‍, കേരള യൂണിവേഴ്സിറ്റി), ഉഷ, രാധാകൃഷ്ണന്‍ (തിരുവിതാംകൂര്‍ ദേവസ്വം ബോര്‍ഡ് ജീവനക്കാരന്‍), ശശികുമാര്‍ (കേരള യൂണിവേഴ്സിറ്റി), ശോഭ (രവിവര്‍മ ഫൈന്‍ ആര്‍ട്സ് കോളേജ് മാവേലിക്കര). മരുമക്കള്‍: സുമകുമാരി (സിപിഐ എം അംഗം), സിന്ധു (അസി. പ്രൊഫസര്‍, ശ്രീകാര്യം എന്‍ജിനിയറിങ് കോളേജ്), ഭാസുരന്‍ (എസ്ബിഐ കായംകുളം), പ്രിയ, ഷീബ (ശ്രീചിത്ര ആശുപത്രി), സോമന്‍ (പെരുങ്ങാല സഹകരണസംഘം).

}ഋഷികേശ്ഭട്ടതിരി

ചെങ്ങന്നൂര്‍: വാഴമാവേലിമഠത്തില്‍ എന്‍ ഋഷികേശ്ഭട്ടതിരി (64) നിര്യാതനായി. സംസ്കാരം നടത്തി. ഭാര്യ: വാഴാര്‍ മംഗലം തെങ്ങുംപള്ളി മഠത്തില്‍ കുമാരി ജയശ്രീ. മക്കള്‍: പൂര്‍ണിമ, പീയൂഷ് നാരായണന്‍. മരുമകന്‍: സജേഷ്.

ബി സതീദേവി

കായംകുളം: റിട്ട. ഡിസ്ട്രിക്ട് രജിസ്ട്രാര്‍ പരേതനായ മാവനാല്‍ ഇ വി ശങ്കരന്‍കുട്ടിയുടെ ഭാര്യ ആരോമലില്‍ ബി സതീദേവി (75) നിര്യാതയായി. സംസ്കാരം വ്യാഴാഴ്ച 12.30ന് വീട്ടുവളപ്പില്‍. സഞ്ചയനം 28നു രാവിലെ ഒമ്പതിന്.

സി സി ജോസഫ്

മിത്രക്കരി: ചെറുകാട് സി സി ജോസഫ് (അപ്പച്ചന്‍- 86) നിര്യാതനായി. സംസ്കാരം വെള്ളിയാഴ്ച 10ന് മിത്രക്കരി സെന്റ് സേവ്യേഴ്സ് പള്ളി സെമിത്തേരിയില്‍. ഭാര്യ: പരേതയായ മേരിക്കുട്ടി. മക്കള്‍: ടോമി ജോസഫ്, ജെസി ജെയിംസ്. മരുമക്കള്‍: സെലീനാമ്മ, ജെയിംസ് തോമസ്.

സദാശിവക്കുറുപ്പ്

ഹരിപ്പാട്: റിട്ട. പൊലീസ് എഎസ്ഐ ചെറുതന കുറ്റിതെക്കതില്‍ സദാശിവക്കുറുപ്പ് (83) നിര്യാതനായി. സംസ്കാരം വ്യാഴാഴ്ച 10.30ന് വീട്ടുവളപ്പില്‍. ഭാര്യ: ദേവദാസിയമ്മ. മക്കള്‍: സോമനാഥക്കുറുപ്പ്, സത്യപാലക്കുറുപ്പ്, സുലോചനദേവി. മരുമക്കള്‍: ലക്ഷ്മിപ്രീത, ശ്രീലത, ഗോപാലകൃഷ്ണപിള്ള. സഞ്ചയനം 28നു രാവിലെ ഒമ്പതിന്.

ക്രിസ്റ്റീന

പട്ടണക്കാട്: പട്ടണക്കാട് പഞ്ചായത്ത് 19-ാം വാര്‍ഡ് മാണിയാപൊഴിയില്‍ പരേതനായ സില്‍വസ്റ്ററിന്റെ ഭാര്യ ക്രിസ്റ്റീന (81) നിര്യാതയായി. സംസ്ക്കാരം വ്യാഴാഴ്ച രാവിലെ 10ന് അഴീക്കല്‍ സെന്റ്സേവ്യേഴ്സ് ഇടവക പള്ളി സെമിത്തേരിയില്‍. മക്കള്‍: സൈമണ്‍, എം എസ് വാവച്ചന്‍( സിപിഐ എം അഴീക്കല്‍ സെന്‍ട്രല്‍ ബ്രാഞ്ച് സെക്രട്ടറി), ക്ലാരന്‍സ്. മരുമക്കള്‍: സെന്‍റീത്ത, സൂസി.

റിട്ട. കെഎസ്ഇബി ജീവനക്കാരന്‍ ട്രെയിന്‍തട്ടി മരിച്ച നിലയില്‍

അമ്പലപ്പുഴ: റിട്ട. കെഎസ്ഇബി ജീവനക്കാരന്‍ ട്രെയിന്‍തട്ടി മരിച്ച നിലയില്‍. തകഴി പഞ്ചായത്ത് അഞ്ചാം വാര്‍ഡ് കൊടിയേഴം ഗോവിന്ദപ്പിള്ള (70)യാണ് മരിച്ചത്. ബുധനാഴ്ച പുലര്‍ച്ചെ തകഴി റെയില്‍വേക്രോസിനു സമീപമാണ് മൃതദേഹം കണ്ടത്. പോസ്റ്റ്മോര്‍ട്ടത്തിനുശേഷം വീട്ടുവളപ്പില്‍ സംസ്കരിച്ചു. ഭാര്യ: വാസന്തിയമ്മ. മക്കള്‍: ലേഖ, അനില്‍കുമാര്‍. മരുമക്കള്‍: നാരായണന്‍കുട്ടി, ലേഖ.

ഇടിമിന്നലിനിടെ സ്വിച്ചില്‍നിന്ന് വൈദ്യുതാഘാതമേറ്റ് വൃദ്ധന്‍ മരിച്ചു

അരൂര്‍: ഇടിമിന്നല്‍സമയത്ത് വൈദ്യുതാഘാതമേറ്റ് കര്‍ഷകത്തൊഴിലാളി മരിച്ചു. അയല്‍ക്കാരന് പരിക്കേറ്റു. അരൂര്‍ പഞ്ചായത്ത് ആറാംവാര്‍ഡില്‍ പുതുവല്‍ നികര്‍ത്തില്‍ വെളുത്ത (75)യാണ് മരിച്ചത്. വീട്ടിലെ വൈദ്യുതിവിളക്ക് തെളിക്കാന്‍ സ്വിച്ച് ഓണ്‍ചെയ്തപ്പോഴാണ് വൈദ്യുതാഘാതമേറ്റത്. വെളുത്തയെ രക്ഷിക്കാന്‍ ഓടിയെത്തിയ അയല്‍ക്കാരന്‍ ജയാനന്ദനാണ് (45) പരിക്കേറ്റത്. ഇയാളെ സ്വകാര്യ ആശുപത്രിയില്‍ പ്രവേശിപ്പിച്ചു. ബുധനാഴ്ച വൈകിട്ടോടെയാണ് സംഭവം. വെളുത്തയെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചു. സംസ്കാരം വ്യാഴാഴ്ച ഉച്ചയ്ക്കുശേഷം വീട്ടുവളപ്പില്‍. ഭാര്യ: തങ്കമ്മ. മക്കള്‍: അശോകന്‍, ശാന്ത, സുലോചന, പരേതനായ ബാലകൃഷ്ണന്‍. മരുമക്കള്‍: ദ്രൗപതി, പത്മാക്ഷി, പരേതനായ ബാലന്‍.

പരപ്പനാട് വലിയ രാജാവ് രാമവര്‍മ തമ്പുരാന്‍ നിര്യാതനായി

മാവേലിക്കര: പരപ്പനാട് വലിയ രാജാവ് എ ആര്‍ രാമവര്‍മ തമ്പുരാന്‍ നിര്യാതനായി. 91 വയസ്സായിരുന്നു. സംസ്കാരം നടത്തി. ഏതാനും ദിവസമായി തലച്ചോറില്‍ രക്തം കട്ടപിടിച്ച് സ്വകാര്യ ആശുപത്രിയില്‍ ചികിത്സയിലായിരുന്നു. 1980ല്‍ ബംഗളൂരുവിലെ ഭാരത് ഇലക്ട്രോണിക്സില്‍നിന്ന് വിരമിച്ചശേഷം മാവേലിക്കരയിലായിരുന്നു താമസം. ടിപ്പുവിന്റെ പടയോട്ടക്കാലത്ത് പരപ്പനങ്ങാടിയില്‍നിന്ന് പാലായനംചെയ്തുവന്ന ചങ്ങനാശേരി ലക്ഷ്മീപുരം കൊട്ടാരം, ഹരിപ്പാട് ചെമ്പ്രോല്‍ കൊട്ടാരം, അനന്തപുരം കൊട്ടാരം എന്നീ മൂന്നു രാജകുടുംബങ്ങളിലെ ഏറ്റവും മുതിര്‍ന്ന ആളായിരുന്നു. കേരളപാണിനി എ ആര്‍ രാജരാജവര്‍മയുടെ കൊച്ചുമകള്‍ രത്നം രാമവര്‍മയാണ് ഭാര്യ. മക്കള്‍: ജയരാജ് വര്‍മ, രഘുബീര്‍ വര്‍മ, മധുസൂദന്‍ വര്‍മ, മഞ്ജുള വര്‍മ, വേണുഗോപാല്‍ വര്‍മ. മരുമക്കള്‍: തുളസീബായി, ലതികാവര്‍മ, തങ്കമണി, എം സി നന്ദകുമാരന്‍ തമ്പുരാന്‍, ദീപ വര്‍മ. ആര്‍ രാജേഷ് എംഎല്‍എ, മാവേലിക്കര നഗരസഭാ ചെയര്‍മാന്‍ കെ ആര്‍ മുരളീധരന്‍ തുടങ്ങിയവര്‍ അനുശോചിച്ചു.

കാറും ബൈക്കും കൂട്ടിയിടിച്ച് കര്‍ണാടക സ്വദേശിയായ യുവാവ് മരിച്ചു

ചെങ്ങന്നൂര്‍: കാറുമായി കൂട്ടിയിടിച്ച് ബൈക്ക്യാത്രക്കാരനായ കര്‍ണാടക മംഗലാപുരം പൂത്തൂര്‍ കേഡിബാല ഉണ്ടിലാവീട്ടില്‍ ദേവസ്യയുടെ മകന്‍ ഷിജു ദേവസ്യ (23) മരിച്ചു. പന്തളത്തെ സ്വകാര്യ സ്കൂളിലെ ഡ്രൈവറാണ്. അവധിക്കാലമായതിനാല്‍ പന്തളത്തെ ഒരു ഹോട്ടലില്‍ ഡ്രൈവറായി ജോലിചെയ്ത് താമസിക്കുകയായിരുന്നു. ചൊവ്വാഴ്ച പകല്‍ 11 ഓടെ എംസി റോഡില്‍ ചെങ്ങന്നൂര്‍ ഭാഗത്തേക്ക് ബൈക്കില്‍ പോകുമ്പോള്‍ പള്ളിപ്പടി ജങ്ഷന് സമീപത്തുവച്ച് എതിരെവന്ന കാര്‍ ഇടിക്കുകയായിരുന്നു. സ്വകാര്യ ആശുപത്രിയില്‍ എത്തിച്ചെങ്കിലും 12 ഓടെ മരിച്ചു. മൃതദേഹം ആശുപത്രി മോര്‍ച്ചറിയില്‍.

ക്ഷേത്ര ദര്‍ശനത്തിനെത്തിയ വീട്ടമ്മ കാറിടിച്ചു മരിച്ചു

ഹരിപ്പാട്: മണ്ണാറശാല ക്ഷേത്ര ദര്‍ശനത്തിനെത്തിയ വീട്ടമ്മ കാറിടിച്ചു മരിച്ചു. തലശേരി വളയമ്പലം തിരുവങ്ങാടി ഗോപാല്‍ നിവാസില്‍ ഗോപാലന്‍നായരുടെ ഭാര്യ കാര്‍ത്യായനി (61)ആണ് മരിച്ചത്. ചൊവ്വാഴ്ച രാവിലെ എട്ടിന് ദേശീയപാതയില്‍ ഹരിപ്പാട് റെയില്‍വെ സ്റ്റേഷന്‍ ജങ്ഷന് സമീപമാണ് അപകടം. ഹരിപ്പാട് റെയില്‍വെ സ്റ്റേഷനില്‍ ഇറങ്ങി മകള്‍ മഞ്ജുള, ചെറുമകന്‍ പ്രവീണ്‍ എന്നിവര്‍ക്കൊപ്പം മണ്ണാറശാല ക്ഷേത്രത്തിലേക്ക് പോകാനായി ദേശീയപാത മുറിച്ചുകടക്കുമ്പോള്‍ അതിവേഗത്തില്‍ വന്ന കാറിടിക്കുകയായിരുന്നു. ഉടന്‍ താലൂക്ക് ആശുപത്രിയിലും തുടര്‍ന്ന് വണ്ടാനം മെഡിക്കല്‍ കോളേജ് ആശുപത്രയിലെത്തിച്ചെങ്കിലും രക്ഷിക്കാനായില്ല. പോസ്റ്റുമോര്‍ട്ടത്തിനു ശേഷം മൃതദേഹം ബന്ധുക്കള്‍ ഏറ്റുവാങ്ങി നാട്ടിലേക്കു കൊണ്ടുപോയി. മറ്റു മക്കള്‍: മനോജ്, ചിത്ര, സ്വര്‍ണ. മരുമക്കള്‍: രഞ്ജിനി, മധു, ഗിരീഷ്, പ്രേമരാജന്‍.

District
Archives