• 21 ഏപ്രില്‍ 2014
  • 8 മേടം 1189
  • 20 ജദുല്‍ആഖിര്‍ 1435
ഹോം  » ചരമം  » ആലപ്പുഴ  » ലേറ്റസ്റ്റ് ന്യൂസ്

ജയകുമാര്‍

ചാരുംമൂട്: താമരക്കുളം മേക്കുംമുറി താഴത്തടത്ത് പരേതനായ രാഘവന്‍പിള്ളയുടെ മകന്‍ ജയകുമാര്‍ (ഉണ്ണി-43) അബുദാബിയില്‍ നിര്യാതനായി. ഭാര്യ: അര്‍ച്ചന. മക്കള്‍: ആരോമല്‍, അനാമിക. അമ്മ: രാജമ്മപിള്ള. സംസ്കാരം പിന്നീട്.

പഴനിയില്‍ കാണാതായയാള്‍ മരിച്ച നിലയില്‍

ആലപ്പുഴ: തീര്‍ഥാടനത്തിനിടെ പഴനിയില്‍ കാണാതായ മധ്യവയസ്കനെ മരിച്ച നിലയില്‍ കണ്ടെത്തി. ആലപ്പുഴ പൂന്തോപ്പ് വാര്‍ഡില്‍ കണ്ടത്തില്‍ മാധവന്റെ മകന്‍ രമേശന്‍ (അനിയപ്പന്‍- 54) ആണ് മരിച്ചത്. കഴിഞ്ഞ 17നാണ് രമേശനും കുടുംബവും ഭാര്യ വീട്ടുകാര്‍ക്കൊപ്പം പഴനി അമ്പലത്തില്‍ ദര്‍ശനത്തിന് പോയത്. 18ന് ഉച്ചയോടെ പഴനിയില്‍ എത്തിയ സംഘം ലോഡ്ജില്‍ മുറിയെടുത്തു. ഇതിനിടെ പുറത്തുപോയ രമേശന്‍ പിന്നീട് തിരിച്ചെത്തിയില്ല. തുടര്‍ന്ന് ബന്ധുക്കള്‍ പഴനി അടിവാരം പൊലീസില്‍ പരാതി നല്‍കിയ ശേഷം നാട്ടിലേക്ക് തിരിച്ചു. പിറ്റേന്ന് ആലപ്പുഴ നോര്‍ത്ത് പൊലീസിലും പരാതിപ്പെട്ടു. ഞായറാഴ്ച ഉച്ചയോടെയാണ് രമേശനെ മരിച്ച നിലയില്‍ കണ്ടെത്തിയെന്ന വിവരം അടിവാരം പൊലീസ് ബന്ധുക്കളെ അറിയിച്ചത്. പഴനി ക്ഷേത്രത്തിനു ഏഴു കിലോമീറ്റര്‍ അകലെ ഡാമിന് സമീപമാണ് മൃതദേഹം കണ്ടത്. പോസ്റ്റ്മോര്‍ട്ടത്തിനു ശേഷം മൃതദേഹം നാട്ടിലെത്തിച്ചു. സംസ്കാരം തിങ്കളാഴ്ച പകല്‍ 11ന് വീട്ടുവളപ്പില്‍. ഭാര്യ: ഷീല.

District
Archives