21 September Friday

പൃഥ്വിരാജ് ചിത്രം 'രണം' സെന്‍സറിംഗ് പൂര്‍ത്തിയായി; മേയ് പത്തിന് തീയേറ്ററുകളിലെത്തും

വെബ് ഡെസ്‌ക്‌Updated: Friday Apr 27, 2018

കൊച്ചി > പൃഥ്വിരാജിനെ നായകനാക്കി നിര്‍മല്‍ സഹദേവ് സംവിധാനം ചെയ്യുന്ന ചിത്രം 'രണ'ത്തിന്റെ സെന്‍സറിംഗ് പൂര്‍ത്തിയായി. 2 മണിക്കൂര്‍ 10 മിനുറ്റ് ദൈര്‍ഘ്യമുള്ള ചിത്രത്തിന് യു/എ സര്‍ട്ടിഫിക്കറ്റാണ് ലഭിച്ചിട്ടുള്ളത്.ചിത്രം മേയ് 10ന് തീയേറ്ററുകളിലെത്തും.

അമേരിക്കയിലെ ഡെട്രോയിറ്റിലും മിഷിഗണിലുമുള്ള തമിഴ് സ്ട്രീറ്റ് ഗാംഗുകളെ ചുറ്റിപ്പറ്റിയാണ് കഥ വികസിക്കുന്നത്. യഥാര്‍ഥത്തില്‍ നടന്ന സംഭവങ്ങള്‍ കോര്‍ത്തിണക്കിയാണ് ചിത്രം മുന്നോട്ട് പോകുന്നത്. സ്ട്രീറ്റ് ഗ്യാങ്ങുകളില്‍ ഒന്നിലെ അംഗമായാണ് പൃഥ്വി 'രണ'ത്തില്‍ എത്തുന്നത്.

പൂര്‍ണമായും വിദേശത്ത് ചിത്രീകരിച്ച 'രണ'ത്തിന്റെ തീം സോംഗും ട്രെയ്‌ലറുമെല്ലാം ഏറെ ശ്രദ്ധ നേടിയിരുന്നു. ചിത്രത്തില്‍ ദാമോദര്‍ എന്ന പ്രധാന കഥാപാത്രത്തെ അവതരിപ്പിക്കുന്ന റഹ്മാന്റെ ക്യാരക്ടര്‍ ടീസര്‍ ഏറെ പ്രേക്ഷകശ്രദ്ധ പിടിച്ചുപറ്റിയിരുന്നു. ഇഷ തല്‍വാറാണ് ചിത്രത്തിലെ നായിക.

 

മറ്റു വാർത്തകൾ
പ്രധാന വാർത്തകൾ
Top