20 November Tuesday

‘പ്രേമം’ ഹിന്ദിയിലേക്ക‌്, ട്രോളന്മാരും തയ്യാർ

വെബ് ഡെസ്‌ക്‌Updated: Tuesday Apr 24, 2018


ഒരിടവേളയ‌്ക്കുശേഷമെത്തിയ സമ്പൂർണ ‘പ്രേമ’കഥ ഇരട്ടിമധുരമായെങ്കിലും തെലുങ്കിലേക്ക‌് മൊഴിമാറ്റിയപ്പോ ൾ മലയാളി പറഞ്ഞു, ഇത‌് ഞങ്ങടെ പ്രേമമല്ലെന്ന‌്. എന്നാൽ, ഇതേ പ്രേമം ഹിന്ദിയിലെത്തുമ്പോൾ  പുതുമയോടെ  ഇന്ത്യമുഴുവൻ ആകർഷിക്കാനാകുംവിധം ഒരുക്കുമെന്നാണ‌് സംവിധായകൻ അഭിഷേക്‌ കപൂർ പറയുന്നത‌്.

അൽഫോൺസ‌് പുത്രൻ സൂപ്പർ ഹിറ്റാക്കിയ സിനിമയുടെ തെലുങ്ക‌് പതിപ്പിന്റെ ടീസർ ഇറങ്ങിയ ഉടൻ ട്രോളുകളുടെ പൂരമായിരുന്നു. നിവിൻ പോളിയുടെ  ജോർജിനെ അവതരിപ്പിച്ച  നാഗചൈതന്യക്കും മലരിനെ അവതരിപ്പിച്ച ശ്രുതിഹാസനുമായിരുന്നു പരിഹാസമേറെയും. ഹിന്ദിയിൽ പുതിയ ‘പ്രേമ’മെത്തുമ്പോൾ ട്രോളൻമാരും തയ്യാറെടുത്തുകഴിഞ്ഞു. അർജുൻ കപൂറാണ‌് ഹിന്ദിയിൽ ജോർജായെത്തുന്നത‌്. വിജയിന്റെ ഗില്ലിയുടെ റീമേക്കിലും അർജുനാണ‌് നായകൻ. മലരായി സായിപല്ലവിയെ അഭിനയിപ്പിക്കാനുള്ള  ശ്രമവും നടക്കുന്നുണ്ട‌്.

പ്രധാന വാർത്തകൾ
Top