13 November Tuesday

ദിലീഷ് പോത്തനും ചേതനും മുഖ്യവേഷങ്ങളിലെത്തുന്ന 'മിഡ്നൈറ്റ് റണ്‍' ഐഡിഎസ്എഫ്എഫ്‌കെയില്‍

വെബ് ഡെസ്‌ക്‌Updated: Friday Jul 20, 2018

തിരുവനന്തപുരം > ദിലീഷ് പോത്തനും ചേതന്‍ ജയലാലും കേന്ദ്രകഥാപാത്രങ്ങളാകുന്ന ഷോര്‍ട്ട് ഫിലിം മിഡ്‌നൈറ്റ് റണ്‍ കേരളാ രാജ്യാന്തര ഡോക്യുമെന്ററി ആന്‍ഡ് ഷോര്‍ട് ഫിലിം ഫെസ്റ്റിവലില്‍. രമ്യാ രാജ് ആണ് ഷോര്‍ട്ട് ഫിലിമിന്റെ തിരക്കഥയും സംവിധാനവും നിര്‍വഹിച്ചിരിക്കുന്നത്.  ബി ടി അനില്‍കുമാറിന്റേതാണ് കഥ. പൂര്‍ണമായും ഒറ്റ രാത്രിയില്‍ നടക്കുന്ന സംഭവങ്ങളെ ആധാരമാക്കിയാണ് പതിനാല് മിനുട്ട് ദൈര്‍ഘ്യമുള്ള ചിത്രം.

ജൂലൈ 20ന് തുടങ്ങുന്ന ഹ്രസ്വചലച്ചിത്രമേളയില്‍ 21ന് വൈകിട്ട് 6.30 ന് നിളാ തിയറ്ററിലാണ് മിഡ്നൈറ്റ് റണ്‍ പ്രദര്‍ശിപ്പിക്കുന്നത്. റിയലിസ്റ്റിക് ത്രില്ലര്‍ സ്വഭാവത്തിലാണ് ഷോര്‍ട് ഫിലിം ഒരുക്കിയിരിക്കുന്നത്. കലി, അങ്കമാലി ഡയറീസ്, സോളോ, വിജയ്ഏ ആര്‍ മുരുഗദോസ് ചിത്രം എന്നീ സിനിമകളുടെ ഛായാഗ്രാഹകനായ ഗിരീഷ് ഗംഗാധരനാണ് മിഡ് നൈറ്റ് റണ്ണിന്റെ ക്യാമറ. കിരണ്‍ ദാസ് എഡിറ്റിംഗും, രംഗനാഥ് രവി സൗണ്ട് ഡിസൈനും നിര്‍വഹിച്ചിരിക്കുന്നു. ശങ്കര്‍ ശര്‍മ്മയാണ് പശ്ചാത്തല സംഗീതം. സതീഷ് എരിയലത്താണ് നിര്‍മ്മാണം.

ദിലീഷ് പോത്തനെയും ചേതനെയും കൂടാതെ ഒരു ലോറിയും മിഡ്നൈറ്റില്‍ റണ്ണില്‍ കഥാപാത്രമായുണ്ട്. ആഷിക്ക് എസ് കലാസംവിധാനവും, സിജി നോബല്‍ തോമസ് കോസ്റ്റിയൂം ഡിസൈനിംഗും ബെന്നി കട്ടപ്പന നിര്‍മാണനിര്‍വഹണവും.

 

മറ്റു വാർത്തകൾ
പ്രധാന വാർത്തകൾ
Top