• 30 ജൂലൈ 2014
  • 14 കര്‍ക്കടകം 1189
  • 2 ഷവ്വാല്‍ 1435
ഹോം  » തൃശൂര്‍  » ലേറ്റസ്റ്റ് ന്യൂസ്

ക്വാറി നിരോധനം നിര്‍മാണമേഖല സ്തംഭനത്തില്‍

തൃശൂര്‍: ഹരിത ട്രിബ്യൂണല്‍ വിധിയെത്തുടര്‍ന്ന് ക്വാറികള്‍ക്ക് സര്‍ക്കാര്‍ നിരോധനം ഏര്‍പ്പെടുത്തിയതോടെ ജില്ലയിലെ നിര്‍മാണമേഖല സ്തംഭനത്തിലേക്ക്. ചെറുതും വലുതുമായി അറുനൂറോളം ക്വാറിയുള്ള ജില്ലയില്‍ നിലവില്‍ മൂന്ന് ക്വാറിക്കേ അംഗീകാരമുള്ളൂ. പാരിസ്ഥിതികാനുമതിക്ക് 15 ലക്ഷത്തോളം രൂപ ചെലവഴിക്കണം. ഉയര്‍ന്ന തുക വാങ്ങി നടത്തുന്ന പരിഷ്കാരം വന്‍കിടക്കാരെ സഹായിക്കാനാണെന്ന ആക്ഷേപമുണ്ട്. 12.50 സെന്റ്മുതല്‍ രണ്ട് ഏക്കറില്‍വരെ പ്രവര്‍ത്തിക്കുന്ന ചെറുകിട പാറമടക്കാര്‍ക്ക് ഇതിന് കഴിയാതാകുന്നതോടെ മുഴുവന്‍ മടകളും നിലയ്ക്കും. സാധാരണക്കാരുടെ വീടുപണി ഉള്‍പ്പെടെ...

തുടര്‍ന്നു വായിക്കുക

പലസ്തീന് ഐക്യദാര്‍ഢ്യം മൊഞ്ചോടെ ചെറിയപെരുന്നാള്‍

തൃശൂര്‍: മൈലാഞ്ചിമൊഞ്ചും അത്തര്‍മണവും മാനവികതാസന്ദേശവുമായി മുസ്ലീങ്ങള്‍ ചെറിയപെരുന്നാള്‍ (ഈദുല്‍ ഫിത്തര്‍) ആഘോഷിച്ചു. പുതുവസ്ത്രങ്ങളണിഞ്ഞും വിഭവസമൃദ്ധ സദ്യയും വിരുന്ന് സല്‍ക്കാരവുമൊരുക്കിയായിരുന്നു പെരുന്നാള്‍ ദിനത്തെ ആഘോഷമാക്കിയത്. പാവപ്പെട്ടവര്‍ക്ക് പെരുന്നാളിനുള്ള ഭക്ഷ്യധാന്യം നല്‍കുന്ന ഫിത്തര്‍ സക്കാത്തോടെയായിരുന്നു തുടക്കം. ഈദ് ഗാഹുകളിലും കൂട്ടമായുള്ള പെരുന്നാള്‍ നിസ്ക്കാരങ്ങളിലും വന്‍ ജനാവലിയാണ് പങ്കാളികളായത്. ബന്ധുവീടുകള്‍ സന്ദര്‍ശിച്ചും സൗഹൃദം പുതുക്കിയും സ്നേഹത്തിന്റെയും സന്തോഷത്തിന്റെയും സമാധാനത്തിന്റെയും...

തുടര്‍ന്നു വായിക്കുക

കൈപ്പറമ്പില്‍ കാറും ലോറിയും കൂട്ടിയിടിച്ച് കത്തിനശിച്ചു

മുണ്ടൂര്‍: കൈപ്പറമ്പ് എംകെകെ പെട്രോള്‍ പമ്പിന് സമീപം കാറും ലോറിയും കൂട്ടിയിടിച്ച്കത്തിനശിച്ചു. ചൊവ്വാഴ്ച രാവിലെ 7.30നാണ് സംഭവം. കുന്നംകുളം ഭാഗത്തേക്ക് പോവുകയായിരുന്ന കാറും ലോറിയും കൂട്ടിയിടിച്ചാണ് അപകടം. മുണ്ടൂരിലെ ബെറ്റ് മിക്സറിന്റെ കോണ്‍ക്രീറ്റ് മിക്സിങ് യൂണിറ്റ് ലോറിയും തൃശൂര്‍ മെഡിക്കല്‍ കോളേജിലെ ഇഎന്‍ടി വിഭാഗം അസി. പ്രൊഫസര്‍ പോട്ടോര്‍ നന്ദനം വീട്ടില്‍ ഡോ. നന്ദകുമാര്‍ (50) ഓടിച്ചിരുന്ന കാറുമാണ് കൂട്ടിയിടിച്ചത്. അതുവഴി ബൈക്കിലെത്തിയവര്‍ കാറിന്റെ ചില്ല് തകര്‍ത്താണ് ഡോക്ടറെ പുറത്തെടുത്തത്. കൈയ്ക്ക് പരിക്കേറ്റ ഡോക്ടറെ മുളങ്കുന്നത്തുകാവ്...

തുടര്‍ന്നു വായിക്കുക

പെരിങ്ങോട്ടുകരയില്‍ നീതി മെഡിക്കല്‍സില്‍ തീപിടിത്തം

അന്തിക്കാട്: പെരിങ്ങോട്ടുകര നാലുംകൂടിയ സെന്ററിലെ ചെത്തുതൊഴിലാളി സഹകരണസംഘത്തിന്റെ നീതി മെഡിക്കല്‍ സ്റ്റോര്‍ പൂര്‍ണമായും കത്തിനശിച്ചു. 18 ലക്ഷം രൂപയുടെ നഷ്ടമാണ് കണക്കാക്കുന്നത്. വൈദ്യുതി ഷോര്‍ട്ട് സര്‍ക്യൂട്ടിനെത്തുടര്‍ന്നാണ് തീപിടിത്തമെന്ന് അന്തിക്കാട് പൊലീസ് പറഞ്ഞു. ചൊവ്വാഴ്ച പകല്‍ രണ്ടിനാണ് അപകടം. ഈസമയം രണ്ട് വനിതാ ജീവനക്കാര്‍ മാത്രമാണ് കടയിലുണ്ടായിരുന്നത്. മെഡിക്കല്‍ ഷോപ്പിന്റെ പിറകുവശത്തുനിന്നാണ് തീപടര്‍ന്നതെന്ന് ഫാര്‍മസിസ്റ്റ് സോഫിയ, സെയില്‍സ് ഗേള്‍ ഗ്രേസി എന്നിവര്‍ പറഞ്ഞു. സ്റ്റോക്കുണ്ടായിരുന്ന മുഴുവന്‍ മരുന്നുകളും ഫ്രിഡ്ജ്,...

തുടര്‍ന്നു വായിക്കുക

വിലക്കയറ്റവിരുദ്ധ എല്‍ഡിഎഫ് ധര്‍ണ

തൃശൂര്‍: രൂക്ഷമായ വിലക്കയറ്റം സൃഷ്ടിക്കുന്ന കേന്ദ്രþസംസ്ഥാനസര്‍ക്കാരുകളുടെ ജനദ്രോഹനടപടിയില്‍ പ്രതിഷേധിച്ച് എല്‍ഡിഎഫ് ജില്ലാ കമ്മിറ്റി ആഭിമുഖ്യത്തില്‍ ആഗസ്ത് 12ന് രാവിലെ പത്തിന് കലക്ടറേറ്റിനു മുന്നില്‍ ധര്‍ണ സംഘടിപ്പിക്കും. മോഡിþഉമ്മന്‍ചാണ്ടിസര്‍ക്കാരുകള്‍ വിലക്കയറ്റം തടയാന്‍ നടപടിയെടുക്കുന്നില്ല. ജനജീവിതം ദുസ്സഹമാക്കി. ഈ സാഹചര്യത്തില്‍ എല്ലാ ജനാധിപത്യവിശ്വാസികളും പ്രക്ഷോഭത്തില്‍ അണിചേരണമെന്ന് എല്‍ഡിഎഫ് ജില്ലാ കണ്‍വീനര്‍ കെ രാധാകൃഷ്ണന്‍ എംഎല്‍എ അഭ്യര്‍ഥിച്ചു. അഴീക്കോടന്‍ സ്മാരകമന്ദിരത്തില്‍ ചേര്‍ന്ന യോഗത്തില്‍ സിപിഐ ജില്ലാ...

തുടര്‍ന്നു വായിക്കുക

ചിത്രാംഗന അരങ്ങിലെത്തി

തൃശൂര്‍: കേന്ദ്ര സാംസ്കാരികവകുപ്പിന്റെ സഹകരണത്തോടെ തൃശൂര്‍ ജനഭേരിയുടെ "ചിത്രാംഗ" നൃത്ത ശില്‍പ്പം അരങ്ങിലെത്തി. ദേശാഭിമാനി റസിഡന്റ് എഡിറ്റര്‍ പ്രഭാവര്‍മ രചിച്ച പദങ്ങള്‍ കലാമണ്ഡലം മോഹിനിയാട്ടഗവേഷണ വിദ്യാര്‍ഥിനി ചിത്രയാണ് ചിട്ടപ്പെടുത്തി അരങ്ങിലെത്തിച്ചത്. തൃശൂര്‍ റീജണല്‍ തിയറ്ററില്‍ തിങ്കളാഴ്ച വൈകിട്ട് നടന്ന ചടങ്ങില്‍ എം പി വീരേന്ദ്രകുമാര്‍ ഉദ്ഘാടനം ചെയ്തു. മട്ടന്നൂര്‍ ശങ്കരന്‍കുട്ടി അധ്യക്ഷനായി. കൃഷ്ണന്‍ എന്ന സാധാരണ മനുഷ്യന്റെ തെറ്റും ശരിയും അവന്റെ ദുഃഖങ്ങളും സന്തോഷവും മനോഹരമായി അവതരിപ്പിച്ച കവിയാണ് പ്രഭാവര്‍മയെന്ന്...

തുടര്‍ന്നു വായിക്കുക

പുരോഗമന കലാ സാഹിത്യ സംഘം സംസ്ഥാന കഥാ ക്യാമ്പ് അരിമ്പൂരില്‍

അരിമ്പൂര്‍: പുരോഗമന കലാസാഹിത്യ സംഘം സംസ്ഥാന കഥാ ക്യാമ്പ് അരിമ്പൂരില്‍ നടക്കും. ആഗസ്ത്് 15,16,17 തീയതികളില്‍നടക്കുന്ന ക്യാമ്പിന്റെ ഡയറക്ടര്‍ കവി രാവുണ്ണിയാണ്. സംഘാടക സമിതി യോഗം സിപിഐ എം മണലൂര്‍ ഏരിയ സെക്രട്ടറി ടി വി ഹരിദാസ് ഉദ്ഘാടനം ചെയ്തു. കെ കെ ശശിധരന്‍ അധ്യക്ഷനായി. ജില്ലാ സെക്രട്ടറി പ്രൊഫ. കെ യു അരുണന്‍, സംസ്ഥാന സെക്രട്ടറി സി ആര്‍ ദാസ്, എം എന്‍ വിനയകുമാര്‍ ,ഡോ. കാവുമ്പായി ബാലക്യഷ്ണന്‍, പ്രൊഫ. എന്‍ ആര്‍ ഗ്രാമപ്രകാശ്, വി എന്‍ സുര്‍ജിത്ത്, എ വി ശ്രീവത്സന്‍, രാവുണ്ണി എന്നിവര്‍ സംസാരിച്ചു. സംഘാടക സമിതി ഭാരവാഹികള്‍: കെ കെ ശശിധരന്‍ (ചെയര്‍മാന്‍),എ വി...

തുടര്‍ന്നു വായിക്കുക

ഭരതന്‍ സ്മാരക പുരസ്കാരദാനവും ഗാനസ്മൃതിയും ഇന്ന്

തൃശൂര്‍: ഭരതന്‍ സ്മൃതിവേദിയുടെ ഭരതന്‍ അനുസ്മരണവും അവാര്‍ഡ്ദാനവും ബുധനാഴ്ച സംഗീതനാടക അക്കാദമി കെ ടി മുഹമ്മദ് സ്മാരക തിയറ്ററില്‍ നടക്കും. വൈകിട്ട് 5.30ന് സംവിധായകന്‍ കമല്‍ അനുസ്മരണപ്രഭാഷണം നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. പുരസ്കാരദാന ചടങ്ങ് സംവിധായകന്‍ മോഹന്‍ ഉദ്ഘാടനം ചെയ്യും. ടി എ സുന്ദര്‍മേനോന്‍ അധ്യക്ഷനാകും. ഭരതന്‍ സ്മാരക പുരസ്കാരം സംവിധായകന്‍ രാജീവ്രവിക്കും സ്പെഷ്യല്‍ ജ്യൂറി പുരസ്കാരം ശ്യാംധറിനും ടി എസ് കല്യാണരാമന്‍ സമ്മാനിക്കും. സൗത്ത് ഇന്ത്യന്‍ ഫിലിം ചേംബര്‍ പ്രസിഡന്റ് മുദ്ര ശശി മുഖ്യാതിഥിയാകും....

തുടര്‍ന്നു വായിക്കുക

District
Archives